គេហទំព័រសម្រាប់​អ្នក​ដែលចង់រៀន​សរសេរ​កូដ ដោយ​ឥតគិតថ្លៃ

​អ្នក​អាច​រៀន​សរសេរ​កូដបាន​ដោយងាយស្រួល ដោយគ្រាន់​តែ​មាន​អ៊ីនធឺណេត​និង​កុំព្យូទ័រ​តែប៉ុណ្ណោះ តាមរយៈគេហទំព័រខាងក្រោមនេះ ៖

1. Code.org

ជា​ស្ថាប័នមិនរក​ប្រាក់​ចំណូល ដែលនៅមេរៀន​នៅលើ​គេហទំព័រ​នេះភាគច្រើន​ផ្តោតទៅលើ​វិទ្យាសាស្ត្រ​កុំព្យូទ័រ ​គ្រប់​គ្នា​អាច​រៀនមេរៀនមាន​តាមវ័យ​ចាប់​តាំង​ពី​ក្មេង​អាយុ៤ឆ្នាំឡើង​ទៅ ។

2. Khode.academy

ជា​គេហទំព័ររៀន​កូដសម្រាប់​ធ្វើ​វេបសាយ​​របស់​កូនខ្មែរ​យើង ដែល​មានរចនាបទប្រើប្រាស់​ស្អាត​ ស្រួលប្រើ មានមេរៀន​ជាវីឌីអូងាយ​យល់ច្បាស់លាស់ៗ ដោយមិនមាន​គិតថ្លៃ​ មិន​ត្រូវ​ការ​បង្កើត​គណនីអ្វីឡើយ  ។

3. edX

ជា​ស្ថាប័ន​មិន​រក​ប្រាក់​ចំណូល​ ដែល​កើត​ចេញឡើង​ពីការ​សហការ​គ្នារវាង​សកល​វិទ្យាល័យ​ល្បីលំដាប់​ថ្នាក់​ពិភពលោកពីរ​គឺ MIT និង Havard សព្វថ្ងៃមាន​សាកលវិទ្យាល័យ​ច្រើនជាង ៧០បាន​ដាក់​មេរៀន​ប្រមាណជាជាង ១២០០០មេរៀន​នៅទីនោះ ដោយ​អ្នក​អាច​រៀន​សរសេរកូដ​បាន​តាម​រយៈ​ការ​ចូល​ទៅកាន់​ផ្នែក វិទ្យាសាស្ត្រ​កុំព្យូទ័រ (Computer Science)។

4. Khmer Academy

ជា​គេហទំព័រ​ដែលមាន​វីឌីអូពន្យល់​ជាភាសា​ខ្មែរ​ ស្រួល​យល់ ហើយមានចាប់តាំង​ពី មេរៀន​បង្កើត​គេហទំព័រ​ បង្កើត​កម្មវិធីទូរស័ព្ទ​ រហូត​ដល់​មេរៀន​ស៊ីជម្រៅទាក់​ទង​នឹង​កូដ​កុំព្យូទ័រ។

5. Khan Academy

ជា​គេហទំព័រ​ដែល​អ្នក​អាច​រៀន​បាន​មេរៀន​ច្រើន​មុខ​ លើសពីការ​សរសេរ​កូដ​ទៅទៀត។ នៅទីនោះមានទាំងមេរៀនជា​ការសំណេរ​សម្រាប់​​អាន និង​ មេរៀន​ជាវីឌីអូព្រម​ទាំង​ភ្ជាប់​ជាមួយ​លំហាត់​ដែលអ្នក​អាច​អនុវត្ត​ផ្ទាល់​ក្រោយចប់​មេរៀន និង​មាន​ជាមេដាយ​លើក​ទឹក​ចិត្ត​ផង​ដែរ។

6. Free Code Camp

នេះជា​គេហទំព័រ​ដែលអ្នក​នឹង​អាច​ទទួល​បានការងារ​សរសេរ​កូដ​ផ្ទាល់ៗ​ ​សម្រាប់​អង្គការ​ ស្ថាប័នមិនរកប្រាក់ចំណូល​ផ្សេងៗ។ ការ​រៀន​នៅលើ​គេហទំព័រនេះ មាន​លំហាត់ ផ្ទាំង​ប្រើប្រាស់​ស្រួល​ប្រើ ហើយអ្នក​អាច​សួរ​អ្នក​ដ៏ទៃ​ទៀត​ និង​មើល​ការពិភាក្សារបស់​ពួក​គេ​ទៅលើ​បញ្ហា​អ្វីមួយ ជាពិសេស​អ្នក​នឹង​ទទួល​បាន​វិញ្ញាបនប័ត្រ​ក្រោយ​បញ្ចប់​វគ្គសិក្សា។

7. Codecademy

ជាកន្លែងដែលមនុស្សភាគច្រើនដែលចង់រៀនសរសេរកូដ ទទួលបានមេរៀនរតាមអ៊ិនធើណែត​ ។។

អ្វីដែលមេរៀនសរសេរកូដឥតគិតថ្លៃដែលពួកគេផ្តល់ជូនមាន HTML & CSS, JavaScript, PHP, Python, Ruby, Angularjs, និងផ្សេងៗទៀត ។